Raporti për sigurinë, ja ku renditet Shqipëria

Shqipëria konsiderohet një shtet me rreziqe të ulëta sa i përket fushës së sigurisë, sipas raportit të fundit të Risk Map Report.

Një raport i fundit, “Risk Map Report 2017”, i përpiluar nga Fondacioni me po të njëjtin emër me seli në Londër, bën të ditur një hartë të rreziqeve politiko-ekonomike, por edhe të fushës së sigurisë. Harta tregon se në varësi të shkallës së rrezikut, shtetet e ekzaminuara marrin notën e riskut “L” (low- rrezik i ulët), “M” (medium – rrezik i mesëm), “H” (high- rrezik i lartë), “E” (extreme – rrezik shumë i lartë), shkruan Monitor.

Shqipëria konsiderohet një shtet me rreziqe të ulëta sa i përket fushës së sigurisë, me asnjë ndryshim nga raporti i një viti më parë. E njëjta panoramë vlerësimi përfshin edhe vendet e tjera të rajonit, si Mali i Zi, Serbia, Maqedonia. Ndërsa fqinjët tonë përtej Adriatikut përfshihen në zonën “e verdhë”, të mesme.

Vendet më të rrezikuara, sipas raportit, janë shtetet e Amerikës Latine, ato në Afrikë dhe disa shtete të Emirateve të Bashkuara.

Sa i përket vlerësimit të komponentëve të fushës së sigurisë, konsulentët botërorë tregojnë se në analizë janë marrë në shqyrtim aksione në dëm financiar, fizik, në asetet njerëzore të një kompanie dhe se sa është i gatshëm shteti që të mbrojë këto asete.

Sipas raportit, këto risqe mund të jenë të ndryshme për kompani të ndryshme apo projekte investimi, duke marrë në konsideratë faktorë si sektori i industrisë, kombësia e investitorëve dhe vendndodhja.

Shkruar Nga
More from Revista User

Microsoft Zbulohet virus në programin Internet Explorer

Google ka publikuar dje detaje të një virusi në programin e kërkimit...
Read More

Leave a Reply

Your email address will not be published.