Ratifikimi i demarkacionit, Brukseli: Moment kyç për vizat, po ju vëzhgojmë për korrupsionin

Pas ratifikimit të marrëveshjes së demarkacionit me Malin e Zi, mes shumë mesazheve përshëndetëse, ka reaguar edhe Brukseli.

Në një deklaratë të përbashkët të Përfaqësueses së Lartë të Bashkimit Europian, Federica Mogherini, komisionarit për punë të jashtme, Johannes Hahn dhe komisionari për çështje të brendshme, Dimitris Avramopoulos, kanë thënë se ratifikimi i demarkacionit ishte kush kyç për liberalizimin e vizave.

 

 

Mes të tjerash në deklaratë thuhet se Kosova do të jetë në vëzhgim për çështje që lidhjen me korrupsionin.

“Në vitin 2016, Komisioni Europian i propozoi Këshillit dhe Parlamentit Europian heqjen e kërkesave për viza për qytetarët e Kosovës me të kuptuarit se Kosova do të ratifikojë Marrëveshjen e Ndarjes së Kufirit me Malin e Zi dhe do të forcojë të dhënat e saj në luftën kundër krimit të organizuar dhe korrupsionit.

Vlerësimi i procesverbalit në luftën kundër krimit të organizuar dhe korrupsionit vazhdon edhe në dritën e informacionit të fundit të dhënë nga autoritetet e Kosovës”,- thuhet në deklaratën e përbashkët të ndërkombëtarëve.

Bashkimi Evropian pret që të gjitha palët në Kosovë të vazhdojnë punën e madhe dhe përpjekjet e suksesshme për të arritur udhëtimin pa viza për popullin e Kosovës dhe në interes të rajonit”,- thuhet në deklaratë.

Shkruar Nga
More from Redaksia

Tillerson: Nuk ka ende kontakte të drejtpërdrejta me Phenianin

  SHBA-ja nuk ka patur ende kontakte të drejtpërdrejta me udhëheqësit koreano-veriorë...
Read More