Romela Begaj rezulton pozitive edhe në testin B, FSHP: Do shkojmë në arbitrazh

 

Romela Begaj rezulton pozitive me doping edhe në testin B. Pasi rezultoi pozitive në testin A me substancën e ndaluar stanozolol për kampionen e botës konfirmohet një gjë e tillë edhe në testin B që është hapur në Kanada pak ditë më parë.

Romela Begaj u shpall kampione bote në stilin e shkëputjes dhe nënkampione në dygarësh në kampionatin Botëror të peshëngritjes, zhvilluar në SHBA.

Por për Romelën gjatë janarit erdhi një goditje e rëndë pasi ajo rezultoi pozitive në testet antidoping, gjë që u konfirmua edhe në testin B. Begaj ka thënë se ajo nuk ka marrë asnjë substancë të ndaluar dhe se është e pastër.

Romela Begaj do të flasë sot në orën 11:30 për herë të parë për këtë çështje në një konferencë të thirrur në orën në palestrën e Federatës së Peshëngritjes në Parkun Olimpik të Tiranës.

Federata e Peshëngritjes thotë se do e dërgojë çështjen në gjykatën e arbitrazhit sportiv.

 

Ajo u betua me Kuran në dorë, duke puthur librin e shenjtë.

“Nuk kam prekur asnjë substancë. Gjaku im është i pastër ashtu siç Zoti më ka krijuar,” tha ajo.

“Më vjen keq që jemi një botë e tretë, dhe kam mundur botën e parë,” tha ajo.

“Jam e pastër, e gatshme si dhe herën e parë që më është akuzuar kjo lloj substance që është turp për mua. Kam 13 vjet sport dhe të gjitha medaljet që kam sjellë për Shqipërinë janë të pastra. Jam e gatshme deri në ditën e fundit, nuk i trembem askujt. Asnjë sportist nuk hidhet poshtë siç hidhet këtu sportisti. Nëse do kisha pasur mbështetje do i kisha shkuar deri në fund, jo për mua si Romelë, po për këtë flamur. Unë si Romelë nuk kam mundësi financaire ta çoj çështjen më lart. Shkova një herë vetëm e askush nuk erdhi nga pas të pyesë. Unë do e deklaroj kushdo të jetë i gatshëm të vijë të më marrë të shkojmë në gjyq të ballafaqohem, po unë nuk kam mundësi”,deklaroi ajo.

Romela thotë se ndaj saj nuk ka asnjë provë dhe se stanazololin nuk e ka përdorur asnjëherë.

“Mos merrni pjesë në një krim, e të merrni guximin për të më akuzuar pa prova dhe jo me racizëm ju lutem. Unë jam kampionia e botës, shqiptare e sportiste që kam mundur një botë pa mashtrim dhe në 12 të natës të çohem, prapë do t’i mund. Më vjen keq që kam lindur në një vend që shtet nuk ka, ku në një moment me ditë të ftohta me çizme unë isha krenaria, kurse sot unë jam harruar e nuk jam më. Unë punën time e bëra, medaljet Shqipërisë ia solla me sakrificë e dhimbje, ku më ka harxhuar gjithë rininë time. Këtë sakrificë e kam bërë për familjen time dhe këtë flamur që kam ngritur në arenat botërore”, apeloi ajo.

Ashtu siç pritej, Romela Begaj rezultoi pozitive edhe në testin e dytë për doping dhe rrezikon një ndëshkim të rëndë deri në 8 vite pezullim nga aktivitetet, duke qenë se është një rast i përsëritur. Testi B konfirmoi rezultatin e Testit A, e tashmë jo vetëm sportistja, por e gjithë peshëngritja shqiptare rrezikon një dënim të rëndë.

Shkruar Nga
More from Redaksia

Ngjela: Brenda dy javësh nis eliminimi i gjyqtarëve dhe prokurorëve nga sistemi

    Avokati Spartak Ngjela bën një analizë të thelluar të fenomenit...
Read More
CLOSE
CLOSE