Ruçi drejton me dorë të hekurt: Basha përjashtohet nga seanca

Masa e parë që ka dhënë kreu i ri i Kuvendit, Gramoz Ruçi shkoi për kreun e opozitës, Lulzim Basha

Në seancën e kësaj të enjteje, kryetari i Kuvendit Gramoz Ruçi ka njoftuar ngritjen e komisionit për reformën zgjedhore.

Komisioni do të jetë dypartiak, do të trajtojë rekomandimet e OSBE-ODIHR dhe propozimet e partive që kanë marrë në zgjedhjet e fundit jo më pak se 1 për qind të votave.

“Përbërja e komisionit do të jetë e barabartë mes shumicës dhe pakicës. Komisioni do drejtohet nga dy bashkëkryetarë të PD dhe PS, Blendi Çuçi dhe Oerd Bylykbashi. Ndërkohë, ekspertë ndërkombëtarë janë të ftuar”, ka deklaruar Ruçi.

Kryetari i Kuvendit ka shtuar se vendimet do të quhen kur të votohen nga të gjithë anëtarët dhe të kenë marrë konsensusin e bashkëkryetarëve.

Ndër të tjera Ruçi ka bërë me dije se, ditën e djeshme Konferenca e Kryetarëve miratoi kalendarin e Kuvendit.

Njoftimi i Ruçit është pasuar nga një debat mes krerëve të grupeve parlamentare Taulant Balla dhe Edmond Spaho. Ky i fundit ka kërkuar debat për çështjen, ndërsa Balla e ka refuzuar këtë kërkesë me argumentin se debati do të bëhet në komisionet parlamentare.

Në vijim të seancës fjalën e ka marrë kryetari i PD, Basha, i cili ka kërkuar nga kryetari të mbledhë Konferencën e Kryetarëve për të caktuar ditën e dabtit dhe i ka bërë thirrje atij që të mos vendosë me forcën e kartonëve.

“Jeni një mazhorancë fiktive, në aleancë me krimin. Kjo situatë nuk mund të vazhdojë gjatë. Mblidh Konferencën e Kryetarëve dhe vendos për një afat të arsyeshëm debati. Nuk mund të shtyhet debati për një javë. Shtyrja e debatit ka vetëm një qëllim, t’i mbyllësh gojën opozitës”, ka thënë Basha.

Nga ana e tij Ruçi ka sqaruar se, nuk ka sens të mblidhet Konferenca kur Parlamenti është mbledhur për rendin e ditës.

“Propozohet një votë pro dhe një kundër, qoftë për zgjedhje nga rendi i ditës. Një kryetar grupi ishte për debat, dy kryetarë grupesh ishin për diskutimin javën tjetër. Nuk mundet që Konferenca e Kryetarëve të marrë atributet që i ka seanca parlamentare. Kjo është një çështje e mbyllur”, ka thënë Ruçi, i cili i ka tërhequr vërejtje Bashës për faktin se ka bllokuar podiumin e Parlamentit.

“Për pushtimin e foltores të tërheq vërejten, pesë minuta pushim,” tha Ruçi.

Pas rinisjes së seancës, sërish deputetët demokratë ishin në këmbë pranë foltores.

Kreu i Kuvendit, Gramoz Ruçi deklaroi se kryetari demokrat, Lulzim Basha përjashtohet nga seanca.

“Nuk doja që masa e parë që do jepja të ishte për kreun e opozitës. Basha duhet të respektojë rregulloren,” tha Ruçi, duke e ndërprerë seancën sërish.

Shkruar Nga
More from Redaksia

Dosja ‘Habilaj’/ Kryemadhi: Rama e Tahiri po fshehin zyrtarët e policisë

Kryetarja e Lëvizjes Socialiste për Integrim, Monika Kryemadhi, ka reaguar pas deklaratës...
Read More

Leave a Reply

Your email address will not be published.