Ruci i jep edhe një ditë kohë Tahirit, shtyhet mbledhja…

Këshilli i Rregullores, Mandateve dhe Imunitetit do të vendosë sot se çfarë qëndrimi do të mbajë Kuvendi për një kërkesë të Prokurorisë së Krimeve të Rënda për arrestimin e ish ministrit të Brendshëm, Sajmir Tahiri.

Siç ka ndodhur edhe në raste të ngjashme, në këtë mbledhje do të dëgjohet kërkesa e Prokurorisë, mbrojtja e Tahirit dhe më pas dhjetë anëtarët e Këshillit, pesë nga maxhoranca dhe pesë nga opozita, do të hartojnë raportin për t’ja paraqitur seancës parlamentare.

Ka rifilluar rreth orës 15:30 mbledhja e Këshillit për Rregulloren, Mandatet dhe Imunitetin e ndërprerë pas një pushimi disa minutësh. Pritet që në mbledhjen që po zhvillohet me dyer të mbyllura 3 prokurorët e Krimeve të Rënda, Besim Hadarmataj, Elizabeta Ymeraj si dhe Gentian Osmani do të vijojnë me paraqitjen e provave sekrete, ndërsa në përfundim të shqyrtimit të tyre do vendoset nëse do t’i hiqet apo jo imuniteti ish-ministrit të Brendshëm, Saimir Tahiri.

Edhe pse në fillim mungoi, më pas Saimir Tahiri rikthehet në mbledhje, ndërsa fjalën e merr avokati i tij.

Avokati i ish-ministrit Saimir Tahiri kërkon kohë për të paraqitur mbrojtjen në këshillin e rregullores dhe mandateve. Ai thotë se i duhen 3 ditë kohë për të përpiluar mbrojtjen e nevojshme pas provave të Prokurorisë.

Fillimisht drejtuesi i Gjykatës së Krimeve të Rënda, prokurori Besim Hajdarmataj, i kërkoi komisionit që kjo seancë të zhvillohet me dyer të mbyllura, për shkak të sekretit të hetimit.

Duke ruajtur sekretin e hetimit, prokurori Hajdarmataj përmendi vetëm rastin e makinës së deputetit Tahiri, që u shit te Habilajt dhe më pas, ashtu sikurse figuron në sistemin TIMS, u ripërdor nga ish-ministri Tahiri në Greqi.

Deputetët e maxhorancës kërkuan nga grupi i prokurorëve provat, që sipas tyre, inkriminojnë deputetin socialist, Saimir Tahiri. Prokurorët deklaruan se hetimi ka nisur kryesisht edhe mbi bazën e informacioneve të qarkulluara në media për përgjimet e realizuara nga pala italiane.

Duke marrë fjalën pas rreth 2.5 orësh debat mes prokurorëve dhe anëtarëve të Këshillit të Mandateve, deputeti Saimir Tahiri tha se, “në 2015-ën ka bërë padi në Prokurori kundër Habilajt pas denoncimeve në media se automjeti tip “Audi” i shitur nga ai po përdorej për trafik droge, por prokuroria ka mbyllur çështjen”.

Saimir Tahiri ne shtyrje te seances se komisioni i Rregullores dhe Mandateve, kur neser paradite pritet te jepet vendimi, ka theksuar edhe nje here me shprehjen e kryeministrit Rama se nuk keni pare asgje akoma.

Jua thashë që s’keni parë gjë akoma, kur jua thashë ju duk si një mënryë e mirë për të bërë cdo lloj historie, por e them prapë që nuk keni parë asgjë akoma, jua thashë bëni durim sic po bëj unë, besoni barrën e kam shumë më të madhe se ju po bëni durim.

E vërteta do dalë në dritë dhe nuk do voonojë shumë. Unë do jem i kënaqur kur e vërteta të dalë në  dritë”, tha Tahiri i cili ishte i rrethuar nga mbeshtetes te shumte te cilet brohoriten ne fund te fjales se tij.

 

Shkruar Nga
More from Redaksia

Luan Rama shprehet kundër Monika Kryemadhit me një postim në FB

Nënkryetari i Lëvizjes Socialiste për Integrim Luan Rama ka dalë kundër qëndrimit...
Read More