Rusia kundërpërgjigjet: Dëbon 23 diplomatë britanikë nga Moska

Tensionet mes Londrës dhe Moskës vazhdojnë të përshkallëzohen. Ditën e sotme Rusia ka marrë vendimin të dëbojë 23 diplomatë britanikë nga Moska, raporton TCH.

Ky veprim vjen si kundërpërgjigje ndaj vendimit të Britanisë për të dëbuar 23 diplomatët rusë. Ministria e Jashtme ruse tha se 23 punonjës të Ambasadës së Mbretërisë së Bashkuar në Moskë do të “deklarohen persona non-grata” dhe brenda javës do të dëbohen.

Edhe një ditë më parë pati akuza dhe kundërakuza të forta mes palëve. Sekretari i Jashtëm britanik, Boris Johnson deklaroi se, me shumë gjasë urdhrin e helmimit të ish-agjentit rus Sergei Skripal dhe vajzës së tij Yulia Skripal, me agjentin nervor “Novichok” e ka dhënë vet Vladimir Putini.

Ndërkohë, Kremlini i ka cilësuar shokuese dhe të pafalshme akuzat e drejtpërdrejta të Britanisë së Madhe.

Shkruar Nga
More from Enton Palushi

“Shpërthimi” i ambasadorit Lu për agjendën gay tregon diçka tjetër

Nga Fitim Zekthi Kultura është themeli mbi të cilin ndërtohet sjellja dhe...
Read More