Salvini do ta mbajë premtimin: Klandestinë, bëni gati valixhet!

Ministri i brendshëm italian Matteo Salvini, njëkohësisht dhe zv/kryeministër, do të nisë sot vizitën e parë të punës në këtë funksion në ishullin e Siçilisë. Ai do të ndalet fillimisht në portin e Pozzalos, një nga portet më të rëndësishme të këtij ishulli si dhe një nga qytetet e përfshira gjerësisht nga fluski i madh i klandestinëve që zbarkojnë nga Afrika e Veriut, ku është ngritur dhe një hotspot që mikpret emigrantët e shpëtuar nga ujërat e Mesdheut.

Pak orë para nisjes së këtij udhëtimi pune, numri 1 i Ministrisë së Brendshme italiane ka deklaruar me tone të ashpra se komoditeti për klandestinët tashmë ka marrë fund.

“Ata duhet të bëjnë gati valixhet e të largohen. Siçilia është kufiri ynë. Duhet të përmirësojmë marrëveshjet me vendet nga ku mbërrijnë emigrantët e dëshpëruar. Nuk mund të lejojmë më të mbajmë qindra mijëra prej tyre. Shteti duhet të bëjë shtetin e asnjë skafist nuk duhet të sulmojë më portet italiane”,- është shprehur Salvini.

Gjithashtu ministri i brendshëm italian ka paralajmëruar shkurtime drastike të fondeve për mikpritjen e emigrantëve. “5 miliardë euro janë shumë. Duhet gjetur mënyra për t’i ndihmuar këta emigrantë në vendet e tyre të origjinës”,- u shpreh Salvini.

Ai gjithashtu informoi se ditën e martë do të zhvillohet samiti i ministrave të brendshëm të vendeve të Bashkimit Europian ku sipas Salvinit do të merret në diskutim një tjetër projekt për mikpritjen e klandestinëve, që parashikon hyrjen e 100 mijë emigrantëve të tjerë në vend.

“Por ne nuk do e pranojmë e do të themi jo”,- ka deklaruar ministri i brendshëm italian.

Shkruar Nga
More from Redaksia

Ambasadori Pardew: Kosova, një eksperiment i shkëlqyer demokracie

  “Kosova dhe ndërhyrja amerikane në vitet ’90 prodhoi një ekperiment me...
Read More