Shtohen telashet për Maduron, 14 shtete tërheqin ambasadorët



Presidenti i Venezuelës, Nicolás Maduro është duke u përballur me një reagim ndërkombëtar pas fitimit të mandatit të tij të dytë gjashtëvjeçar, në një votim të dërrmuar nga bojkoti i opozitës dhe pretendimet për manipulim të votave.

Katërmbëdhjetë vende, përfshirë Argjentinën, Brazilin dhe Kanadanë, i kanë tërhequr ambasadorët e tyre nga Karakasi, në shenjë proteste për procesin zgjedhor farsë.

Në të njëjtën kohë, Shtetet e Bashkuara të Amerikës kanë vendosur sanksione të reja ekonomike, pas zgjedhjeve të së dielës, duke provokuar përkeqësim të situatës atje. Venezuela vuan nga mungesa e ushqimit që rrjedh nga kriza e saj ekonomike, ndaj edhe pjesëmarrja e votuesve ishte shumë e ulët.

Presidenti i SHBA-ve, Donald Trump bëri thirrje për zgjedhje të reja dhe garanci për proces të rregullt, për të “përfunduar represionin” e venezuelianëve, siç e cilësoi ai.

Nga ana tjetër, Presidenti rus Vladimir Putin përgëzoi z. Maduro për rizgjedhjen e tij të hënën, duke i uruar atij “sukses në zgjidhjen e çështjeve sociale dhe ekonomike me të cilat ballafaqohet vendi”.

loading...
Shkruar Nga
More from Redaksia

“Veliaj mund të dojë ta sfidojë Ramën, Xhafaj mund të kërkojë krijimin e polit të vet”

Alfred Lela, drejtor i Politiko.al analizon se Rama po mundohet të dalë nga ‘këmisha...
Read More