Si u maskarua i riu në Tiranë nga pronari dhe kamerieri i lokalit

Zbardhen detaje nga përleshja e ndodhur ne Tiranë, ku një 31-vjeçar është rrahur brutalisht pasditen e së shtunës në Tiranë nga pronari dhe kamerieri i një lokali.

I dëmtuari ndodhet në gjendje kome në Spitalin e Traumës dhe mjekët thonë se gjendja e tij është mjaft e rëndë e në rrezik për jetën. Ngjarja ka ndodhur rreth orës 14:00 të së shtunës, në lokalin në pronësi të shtetasit Edjano Merkaj, 22 vjeç, që ndodhet në rrugën “Prokop Mima”, pranë “Kodrës së Diellit”, në kryeqytet.

Policia ka arrestuar dy autorët e ngjarjes, pronarin Edjano Merkaj dhe kamerierin e lokalit, 21- vjeçarin Igli Përtafi. I plagosuri, Elvis Meta, 31 vjeç, është gjetur pa ndjenja dhe me shenja të dukshme dhune nga Policia, që e ka transportuar më pas në spital. Ndërsa mësohet se gjithçka ka ndodhur për një celular të vjedhur aty, një ditë para ngjarjes.

Duke dyshuar se Elvis Meta ishte hajduti i celularit, ata e kanë rrahur për disa minuta me grushte e shkelma, duke i shkaktuar gjendje kome. Policia dyshoi se 31-vjeçari ishte goditur me sende të forta, por nga këqyrja e kamerave të sigurisë së lokalit, u konstatua se të dy autorët e kanë rrahur, duke e shtrirë në tokë e më pas duke e goditur me shqelma. Sipas mjekëve, ai ka humbur ndjenja nga një goditje në pjesën e fytit dhe të kokës, që i ka shkaktuar komën.

NGJARJA

Sipas deklarimeve të dy të arrestuarve, ngjarja ka ndodhur për shkak të vjedhjes së një telefoni në lokalin në pronësi të Edjano Merkajt. Celulari i vjedhur ishte i kamerierit Igli Përtafi, i cili ka telefonuar në numrin e tij dhe ka rezultuar që celulari ishte ndezur ende. Personit që i është përgjigjur, Përtafi i ka kërkuar që të shkonte të nesërmen (ditën e ngjarjes) dhe t’i kthente telefonin.

Të shtunën, rreth orës 14:00, është afruar në lokal personi që ishte përgjigjur në telefon, Elvis Meta, për të cilin dyshohet se ishte autori i vjedhjes dhe në debat e sipër ai e ka shtyrë kamerierin.

I ka thënë se nuk kishte vjedhur asnjë telefon dhe në lokal ka shkuar vetëm për ta sqaruar, meqenëse e kishte telefonuar. Në shtyrje e sipër kamerieri e ka neutralizuar 31-vjeçarin Meta dhe ka pritur që të afrohet Policia, që e kishte lajmëruar më parë për vjedhjen e celularit.

Njëkohësisht në lokal është afruar edhe pronari, Edjano Merkaj dhe të dy e kanë goditur autorin e dyshuar të vjedhjes me grushte e shkelma. Ushtrimi i forcës së tejkaluar ka sjellë dëmtime të forta për jetën, pasi i kanë rënë me shqelma në qafë dhe në kokë.

Shkruar Nga
More from Revista User

Për lidhje të qëndrueshme, këshillojnë çiftet

Si ta bëni që një marrëdhënie të zgjasë përgjithmonë? Këshilla kanë dhënë...
Read More

Leave a Reply

Your email address will not be published. Required fields are marked *