Studentja e dehur bëri sherr me policen, i theu kamerën, dënohet me 40 orë punë të detyruar për interes publik


Një studente në Tiranë është dënuar nga Gjykata me 40 orë punë të detyruar për interes publik, pas rrëmujës që ka shkaktuar në Urgjencën e QSUT-së.

Ngjarja ka ndodhur në 5 prill të këtij viti.

A.P. kishte dalë me dy shoqet e saj dhe në gjendje të dehur ka shkuar në QSUT, pasi njëra prej mikeshave ishte helmuar nga konsumimi i tepërt i pijeve alkoolike.

A.P. ka nisur të debatojë me mjekun toksikolog, të cilit i ka kërkuar disa peceta, por ky i fundit i ka thënë se nuk kishte me vete. Pas debatit mes tyre, mjeku ka njoftuar Policinë.

A.P. nuk iu bind urdhrit të Policisë dhe ka vazhduar të debatojë me mjekun.

Ajo, madje, i është kthyer edhe efektives së Policisë, duke e shtyrë dhe duke i thyer kamerën që ajo mbante në trup. Më pas ajo është arrestuar.

Në gjykatë, studentja e ka pranuar fajin dhe konsumimin e veprës penale, si dhe ka kërkuar dënim sa më të ulët dhe gjykim të shkurtuar.

Gjithashtu, përmes avokates, A.P. ka kërkuar që Gjykata të marrë parasysh edhe statusin e saj, si studente në Universitetin e Tiranës.

Shkruar Nga
More from Redaksia

Melania Trump me veshje mbretërore blu për festën e 4 Korrikut

Melania Trump ju bashkua bashkëshortit të saj Presidentit Donald Trump për të...
Read More