Stuhia e rrallë godet Australinë



auto__92600082_bbcimage1479815350

Një stuhi e rrallë, që ka shkaktuar probleme frymëmarrjeje te njerëzit në qytetin e dytë më të madh të Australisë, u ka marrë jetën 6 personave dhe ka lënë 5 të tjerë në koma, sipas asaj që kanë bërë të ditur zyrtarë vendas gjatë së dielës.

Viktima e gjashtë u shënua në një spital natën e së shtunës pas komplikimeve mjekësore, si pasojë e një stuhie të egër që goditi Melbournin që prej natës së të hënës, bëri të ditur përmes një deklarate Departamenti i Shëndetësisë.

Pesë pacientë të tjerë janë ende nën kujdesin e bluzave të bardha, ndërsa 3 prej tyre janë në gjendje kritike për jetën. Ndërkohë, 12 pacientë të tjerë u shtruan përkohësisht në spital për ndihmën e parë mjekësore, me probleme disi më të lehta me frymëmarrjen.

Stuhia e së hënës shkaktoi shpërthimin e kokrrave të pjalmit dhe shpërndarjen e tyre në mbarë qytetin, grimca të vogla të të cilit depërtuan edhe thellë në mushkëritë e njerëzve. Rreth 1/3-ta e pacientëve që vuajtën nga probleme me astmën gjatë së hënës, thuhet se nuk kanë pasur kurrë probleme të ngjashme më parë.

Stuhia tronditi shërbimet e emergjencave dhe spitalet në qytetin me 4.5 milionë banorë, pasi plot 8.500 të prekur u shtruan në spital për përkujdesje shëndetësore.

Stuhia e parë shkaktare e problemeve astmatike ka rënë sërish në Melbourne në vitin 1987, kur spitalet raportuan një pesëfishim të rasteve të të të shtruarve. Ngjarje të ngjashme kanë ndodhur edhe në Shtetet e Bashkuara, Kanada, Britani apo edhe në Itali. Hera e fundit që ishte shënuar një gjë e tillë ishte nëntori i vitit 2010.

loading...
Shkruar Nga
More from Revista User

Turqia do të dëbojë rreth 600 migrantë afganë

Autoritetet turke kanë njoftuar se do të dëbojnë rreth 600 migrantë afganë...
Read More