Të pathënat e prokurës në turqisht të Adriatik Llallës…

Kolegji i Pavarur i Apelimit ka shqyrtuar prokurën e dërguar nga ish-kryeprokurori Adriatik Llalla, ku ngarkohet avokati Sokol Hazizaj për të bërë mbrojtjen e Llallës në këtë proces.

Kryetari i trupit gjykues, Sokol Çomo ka lexuar prokurorën në turqisht të lëshuar nga ish-kryeprokurori Adriatik Lalla gjatë shqyrtimit të seancës në ngarkim të tij nga Kolegji i Posaçëm i Apelimit.

Kryetari i trupit gjykues njoftoi se prokura nga ana e Adriatik Llallës është bërë në 28 maj në Turqi në prani të përkthyeses dhe noterit. Vetëm një ditë më pas, në datë 29 qershor (që i bie dy ditë më parë) prokura është shoqëruar me vulën apostile.

“Trupi gjykues arriti në konkluzionin se avokati Sokol Hazizaj i ka tagrat e përfaqësimit të Llallës edhe në mungesë të tij dhe për këtë arsye e deklarojmë procesin gjyqësor të hapur…”, tha Çomo.

Në prokurën e lëshuar në turqisht nga Adrtiatik Llalla thuhet:

“Emëroj si përfaqësues ligjor avokatin Sokol Hazizaj, i jap të drejtën për të më mbrojtur apo përfaqësuar para cdo organi gjyqësor. Në kushtet kur kam marrë dijeni për orën dhe datën e gjykimit ditën enjte 31.5 2019 në orën 1- prapë KPA do të gjykohet në seancë gjyqësore publike cështja nr 1 e vitit 2018, për ankimin që komisioneri publik ka bërë kundër vendimit të KPK për rivlerësimin.

E kam të pamundur të jem i pranishëm apo të paraqitem, si dhe më pas autorizoj caktoj si përfaqësues të posacëm ligjor avokatit Hazizaj për të më përfaqësues gjatë dhe gjithë gjykimin në mungesën time, Avokatit i njoh të drejtën që të më mbrojë të paraqesë cdo anekesë dhe të grumbullojë prova dhe ti paraqesë ato para KPA”

Shkruar Nga
More from Redaksia

Nuk formohet trupi gjykues: Bllokohet Gjykata Kushtetuese

Gjykata Kushtetuese duket se është në pamundësi për të marrë vendime për...
Read More