Tensioni i protestës: Xhafaj ndjek situatën nga zyra, ku ndodhet Basha? Berisha policëve, “Mos kini asnjë merak…”

Palët janë vendosur përballë njëra-tjetrës tek Ministria e Brendshme.

Protestuesit dhe policia po bëjnë një luftë ‘nervash’ mes tyre.

Koha e nxehtë dhe shtyrjet kanë bërë që një person të humbasë ndjenjat.

Një autoambulancë ka mbërritur në vendin e ngjarjes dhe ka marrë personin e sëmurë.

Ndërkohë që qindra protestues ishin mbledhur para Ministrisë së Brendshme, ka pasur edhe disa incidente me forcat e rendit.

Ish-kryeministri Sali Berisha ka pasur nje komunikim me efektivë të policisë, të vendosur në ruajtje të rendit dhe sigurisë gjatë protestës së opozitës.

Ai u është drejtuar me disa fjalë atyre, mes të tjerash edhe duke i siguruar të jenë të qetë e të mos kenë merak se asgjë nuk do të ndodhë.

Si pasoje e këtyre përplasjeve, një mbështetës i opozitës humbi ndjenjat dhe menjëherë i ka ardhur në ndihmë Bardh Spahia me profesion doktor.

Simpatizani i PD fatmirësisht e kaloi problemin shëndetësor pas pak minutash ndihmë nga deputeti i opozites.

Forcat e policisë së Tiranës, RENEA dhe FNSH-ja kanë rrethuar zonën para Ministrisë së Brendshme ku ndodhen protestuesit.

Ndërkohë Vizion Plus raporton se ministri Xhafaj po i ndjek të gjitha zhvillimet nga zyra e tij.

Duhet përmendur se kryetari i PD-së, Lulzim Basha nuk është parë t’i bashkohet grupit të protestuesve.

As kryetarja e LSI-së, Monika Kryemadhi nuk ndodhet para ministrisë së Brendshme.

Pas momenteve të tëra tension përpara Ministrisë së Brendshme, aty kanë mbërritur disa deputetë.

Megjithatë ata nuk e kanë ulur tensionin e krijuar.

Më pas u raportua se drejt protestuesve është nisur vetë kryetari i PD.

Sipas një njoftimi, qëllimi i tij është që të tërheqë protestuesit.

Dhe vërtetë, Basha po i tërheq protestuesit drej selisë së Partisë Demokratike.

Raportohet se policët kanë goditur dhe përgjakur kryeredaktorin e Rilindjes Demokratike.

Fotoja është bërë publike nga ish-kryeministri Sali Berisha.

‘Narkobanditet me uniforme pergjakin protesten e opozites, godasin kryeredaktorin e gazetes Rilindja Demokratike, Bledi Kasmi! Sb’, shkruan ish-kryeministri Sali Berisha në Facebook.

Image

Shkruar Nga
More from Redaksia

Ministri i Brendshëm gjerman: Islami nuk i përket Gjermanisë

  Ministri i Brendshëm i Gjermanisë, Horst Seehofer, tha se beson se...
Read More