Tentoi të grabiste argjendarinë në 2012, arrestohet 31 vjeçari

argjendaria-1-620x496

Policia e Durrësit ka arrestuar një 29-vjeçar të shpallur në kërkim, pasi ishte dënuar nga Gjykata e Shkallës së Parë Tiranë me 4 vjet e 8 muaj burgim për veprën penale “Vjedhje me dhunë” në bashkëpunim, e mbetur në tentativë. Mësohet se ditën e djeshme në pranga përfundoi shtetasi Klodian Martini, 29 vjeç, i cili mesditën e 31 tetorit të 2012 bashkë me një person tjetër tentuan të grabisnin një argjendari tek Rruga e Dibrës, por pas përleshjes me pronarët e saj nuk mundën të realizojnë qëllimin e tyre duke u larguar duarbosh. Argjendaria, e cila u sulmua nga Klodian Martini dhe Redi Rjolli ishte në pronësi të fëmijëve të Rrapo Sinanajt, i cili humbi jetën në 2011 pas një grabitjeje të armatosur në të njëjtën argjendari. Në lidhje me këtë ngjarje, policia ka arrestuar Viktor Gushin. Ndërsa Policia e Durrësit njoftoi zyrtarisht ditën e djeshme se, specialistët për krimet në Komisariatin e Policisë Durrës ndaluan shtetasin në kërkim Klodian Martini, 29 vjeç, banues në Durrës. Gjykata e Rrethit Gjyqësor Tiranë me vendimin Nr.872, datë 01.07.2013 e ka dënuar me 4 vjet e 8 muaj burgim për veprën penale “Vjedhje me dhunë” në bashkëpunim, e mbetur në tentativë. Martini, për veprime të mëtejshme iu dorëzua efektiveve të Policisë Tiranë.

Shkruar Nga
More from Revista User

Shpella më e thellë nënujore në botë, pamje mahnitëse!

Një humnerë e thellë 404 metra, e zbuluar në Republikën Ceke, i...
Read More