Topalli mbledh ‘grupin’: Të ngrihemi, Basha po manipulon procesin

Ish-kryetarja e Kuvendit, Jozefina Topalli, u fotografua në kafenenë e oborrit të PD-së. Bashkë me të ishin disa prej firmëtarëve të peticionit kundër kreut të PD, Lulzim Basha. 

Jozefina Topalli shoqërohej nga Edvin Kulluri, Edit Harxhi, Endira Bushati, Nard Olli, Arben Skënderi, Julian Deda, Zana Guxholli dhe Fabian Topallaj.

Duhen edhe dy ditë që të depozitohen emrat për kandidatë në garën për kreun e PD.

Jozefina Topalli ka bërë deri më tani vetëm një koment të ashpër në FB kundër Lulzim Bashës.

Ajo u tregua e ashpër me Bashën edhe në nisje të fushatës zgjedhore.

Ndërkohë në konferencën për shtyp në selinë e PD në orën 14:00 të premten, Topalli tha se rezultati i zgjedhjeve ishte fatal për PD-në.

Topalli tha se Basha e bëri Ramën timonier pasi u bënë miq.

Sipas saj, në PD nuk do ketë ‘fake race’ (garë false).

DEKLARATA

Lulzim Basha ka urdheruar nisjen e nje procedure antistatutore per t’i imponuar Partise Demokratike nje gare te rreme per drejtimin e ri. Duke e bere procesin zgjedhor ne Parti antistatutor, te nxituar, jo serioz dhe te papergjegjshem, zoti Basha po kerkon jo thjesht te mbaje peng partine dhe te grabise nje mandat te ri drejtues, por se pari po kerkon qe t’i shmanget dhenies llogari dhe marrjes persiper te pergjegjesise per humbjen katastrofale ne zgjedhjet parlamentare. Zoti Basha shpreson se permes gares se tij te rreme mund te shnderrohet nga humbes ne “fitimtar”. Disa qindra mije vota qe Basha ia hoqi Partise Demokratike nuk i asgjeson dot me nje proces te manipuluar zgjedhor brenda partise. Demokratet nuk ia falin kurre edhe sikur te manipuloje 100 perqind te rezultatit te gares.

Zoti Basha eshte katastrofa e PD-se. Fale strategjise se gabuar dhe taktikave elektorale te ngritura mbi glorifikimin e personalitetit te tij te rreme ai rrezoi ne gjunje Partine Demokratike dhe i dha ndihmen me te madhe zotit Rama, bashkudhetarit dhe mikut te oreve te vona te kesaj vere, per fitoren e tij derrmuese. Rama i kerkoj marreveshje qe te behej timonier, Basha e desh aq shume sa e beri “kondotier”. Ringritja e PD-se dhe revanshi i saj politik fillon vetem me largimin e zotit Basha. Demokratet e dine shume mire kete, prandaj zoti Basha kerkon me cdo kusht te manipuloje procesin duke shkelur brutalisht statutin e Partise.

Basha nuk pranon barazi ne gare, nuk pranon rregulla te drejta dhe te paanshme, nuk pranon proces te hapur dhe transparent, nuk pranon konkurrence te vertete as idesh dhe as personalitetesh, nuk pranon ballafaqim dhe as debat. Zoti Basha tmerrohet nga forumet, sepse tmerrohet nga e verteta. Por tek te gjitha keto eshte shpetimi i PD-se. Prandaj ne kerkojme gare te barabarte, rregulla te ndershme e te paanshme, proces te hapur e transparent, konkurence te vertete, ballafaqim e debat. Ne kerkojme respektim dhe vendimarrje te forumeve drejtuese, sipas statutit. Te gjitha keto jane kushte te panegociueshme te procesit. Pa to ne PD nuk ka dhe nuk mund te kete gare. Sa me shpejt ta realizije Basha kete, aq me shpejt do vije ringritja.

I bej thirrje zotit Basha te nderpese menjehere paligjshmerine dhe pengmarrjen e partise, perpara se te perballet me zemerimin dhe revolten e demokrateve. Te kuptoje sa me shpejt se demokratet do dine ta mbrojne partine e tyre.

Une u bej thirrje te gjithe demokrateve te behemi bashke, te mbrojme partine nga pengmarrja, te refuzojme grabitesit. Ky eshte obligim i te gjitheve funksionare e militante, anetare forumesh e drejtues, perfaqesues degesh dhe koordinatore. Eshte koha te ngrihemi, te mbrojme statutin dhe te drejten tone per te zgjedhur drejtuesit. Eshte koha te mbrojme demokracine dhe vlerat demokratike qe na lidhin tash tre dekada.

 

Shkruar Nga
More from Redaksia

Qeveria mblidhet në Vlorë. Takim dyditor për mandatin e ri

Një ditë pasi Edi Rama bëri publikë emrat e kabinetit të ri...
Read More

Leave a Reply

Your email address will not be published.