Tregu i udhëtarëve – Transporti ajror rritet me 23%

Tregu i fluturimeve u rrit sërish për muajin tetor. Sipas të dhënave nga Instituti i Statistikave, transporti ajror u përdor nga 216 mijë pasagjerë, në rritje me 8% ndaj të njëjtit muaj të vitit të kaluar. Për 10 mujorin, nga Aeroporti i Tiranës udhëtuan 2.2 milionë pasagjerë, në rritje me 23% krahasuar me 10 mujorin e vitit 2016.

Deri në fund të muajit tetor, në Shqipëri operonin 18 shoqëri ajrore, nga 15 që ishin vitin e kaluar. Këtë vit nga Aeroporti i Tiranës janë kryer mbi 20 mijë fluturime. Ky duket të ketë potenciale të mëtejshme rritjeje, të lidhura sidomos me turizmin. Për këtë arsye, është ideuar ngritja e një aeroporti të dytë në jug të vendit, ndërkohë që aeroporti i Kukësit ngelet ende i pashfrytëzuar.

Në rritje të konsiderueshme është edhe transporti detar i pasagjerëv. Për nëntë muajt e parë të vitit, transportin ndërkombëtar detar e përdorën 1.4 milionë udhëtarë, 19% më shumë krahasuar me të njëjtën periudhë të një viti më parë.

I vetmi treg në rënie ngelet ai i transportit hekurudhor. Sipas INSTAT, transporti hekurudhor në 10 muaj u përdor nga 62 mijë pasagjerë, 30% më pak krahasuar me një vit më parë. Ky treg prej vitesh është në rënie, për shkak numrit të pakët të linjave dhe gjendjes së amortizuar të trenave.

Shkruar Nga
More from Revista User

Kisha në Suedi vendos se Zoti nuk ka gjini

Kisha e Suedisë nxiti klerikët e saj që të përdorin gjuhën neutrale...
Read More