U vesh si ushtarak në kufi, Kodheli: Ja çfarë më tha Kamenos

kamenos-panos

Pak muaj me parë ministri i Mbrojtjes së Greqisë, Panos Kamenos u shfaq i veshur si ushtarak në kufi me Shqipërinë duke folur me nota kërcenuese.

Lidhur me këtë situatë, edhe njëherë Ministrja e Mbrojtes Mimi Kodheli, theksoi se veshja e tij nuk pati sens. E ftuar në emisionin “Fol me mua fol me ata” në TVSH, Kodheli e konsideroi si një gabim dhe pa sens qëndrimin e homologut të saj grek. “Veshja si ushtarak e tij nuk ka sens, por besoj se ka qenë një sjellje për konsum të brendshëm politik”,- u shpreh Kodheli.

“E kam takuar ministrin Kamenos në ministerialin e shkurtit ku e kam pyetur nëse ishte qetësuar qysh atëhere kur doli si ushtarak. Ai e kuptoi pyetjen time dhe me delikatesë me tha “po jam qetësuar”, -vijoi Kodheli.

E pyetur nëse do të jetë emri i saj si kandidate për presidente, Kodheli tha se ajo nuk është vetëofruar asnjëherë, pavarësisht se mediat e kanë përcjell si vetëofrim deklaratën e saj ku shprehej se në Shqipëri ka shumë burra dhe gra të denjë për president.

Shkruar Nga
More from Revista User

31 të vdekur pas sulmit mbi anije me emigrantë

OKB ka konfirmuar vdekjen e refugjatëve, pas njoftimeve se 31 somalezë janë...
Read More