“Unë mendoj se Trump dhe Rohrabacher paguhen nga Putini”



Trump-100-ditëNjë ish-drejtor i FBI-së është emëruar këshilltar special për të mbikqyrur hetimin e ndërhyrjes së pretenduar ruse në zgjedhjet amerikane dhe çdo lidhje të mundshme me fushatën Trump.

Sipas Departamentit Amerikan të Drejtësisë, caktimi në këtë detyrë i ish-shefit të Byrosë së Hetimeve, Robert Mueller, është në interesin e publikut, pasi bëhet fjalë për një person jashtë skenës politike.

Si rrallë gjatë kohëve të fundit, emërimi i Mueller, i cili pranoi detyrën dhe tha se do ta kryejë me përgjegjësi, u përshëndet nga të dyja anët e spektrit politik në SHBA.

72-vjeçari Mueller ka shërbyer për 12 vjet si shef i FBI-së nën Presidentët George Bush dhe Barack Obama dhe ai gëzon respekt të thellë në vend.

Thirrjet për një prokuror special ishin shtuar ndjeshëm që pas shkarkimit të drejtorit të FBI-së James Comey nga Presidenti Donald Trump.

FBI dhe Kongresi po hetojnë për të zbuluar lidhje të mundshme mes ekipit elektoral të Trump dhe Rusisë, diçka që mori shkas nga zbulimet e inteligjencës amerikane, që beson se Moska tentoi të ndikojë zgjedhjet në favor të republikanit Trump.

Ky i fundit, menjëherë pas emërimit të Robert Mueller tha se hetimi i ri do të tregojë se ai dhe ekipi i tij nuk kanë bërë asgjë të gabuar, megjithëse më herët Shtëpia e Bardhë pretendonte se nuk kishte nevojë për një person nga jashtë për të udhëhequr hetimin.

Disa media shkruajnë se këto janë ditë shumë të vështira për presidentin e ri, Donald Trump.

Gazeta e njohur, Washington Post ka publikuar një bisedë sekrete mes dy drejtuesve të lartë të Partisë Republikane në qershor të vitit 2016.

Biserda është kryer mes Kevin McCarthy, drejtues i shumicës në Kongres dhe kolegut Paul Ryan, kryetar i Kongresit.

“Unë mendoj se ka dy persona, që i paguan Putin. Rohrabacher dhe Trump…. të betohem para Zotit,” thotë McCarthy.

Rohrabacher është një personazh i njohur për Shqipërinë, pasi ka bërë disa deklarata në favor të ndarjes së Maqedonisë.

Ai ka përkrahur edhe opozitën shqiptare.

loading...
Shkruar Nga
More from revista mapo

Amik Kasoruho poet! Një letër e ndaluar dhe dashuritë e tij

“Shkëndijëzat mes errësirës”, poezitë e panjohura të Amik Kasoruhos, të përzgjedhura dhe...
Read More