Vdekja e 18-vjeçares pas operacionit, Spitali i Elbasanit: Ja çfarë ndodhi

Spitali i Elbasanit reagon për vdekjen e adoleshentes nga Gramshi dhe mohon akuzat e prindërve dhe familjareve që pretendonin se vajza e tyre ishte operuar dy herë, për dy gjëra të ndryshme, që ata ende nuk i dinë.

Sipas Spitalit të Elbasanit, 18-vjeçarja Ketjona Ibrahimi ka humbur jetën 6 orë pas operacionit të vetëm që ka kryer.

“Pacientja ka vdekur ditën e shtunë ora 20:00, 6 orë pas ndërhyrjes, është operuar vetëm një herë dhe në sallën e maternitetit, është thirrur kirurgu për ndihmë duke vazhduar operacioni në ekip më të kompletuar ku ka përfunduar rreth orës 13:30-14:00 është futur në reanimacion”,- sqaron spitali.

Rastin e ka komentuar edhe nëndrejtori i Shërbimeve Klinike, Alban Hoxha, i cili hodhi dyshime se shkak për vdekjen dyshohet të jetë bërë mpiksja e gjakut në mushkëri, por pritet rezultati i autopsisë për të vërtetuar dyshimet.

Ndërsa dje nëna e Ketjonës deklaroi se mjekët kishin qënë kontradiktorë në përcaktimin e diagnozës. “Në fillim na thanë se i kishin plasur vezoret, dhe pastaj e operuan nga tëmthi. As ata nuk e dinin se çfarë po ndodhte. Në reanimacion vajza nuk reagonte pothuajse fare. Nuk na thanë se kush ishte mjeku që do bëjë operacionin”, tha ajo.

Shkruar Nga
More from Revista User

Tsipras për Merkel: Dhimbjet e krizës do të shërohen

Kryeministri grek Alexis Tsipras i tha të premten kancelares gjermane Angela Merkel...
Read More

Leave a Reply

Your email address will not be published. Required fields are marked *