Vrasja e oficerit të policisë, Basha: Lajm tronditës! Luftoi me krimin por u hodh pa të drejtë në rrugë



lulzimbasha_1

Kreu i opozitës Lulzim Basha ka reaguar pas mesnate për ekzekutimin e ish-zyrtarit të policisë Artan Cuku mbrëmjen e djeshme në Tiranë.

Basha shkruan se vrasja është një lajm tronditës duke ngritur lart figurën e oficerit Cuku. Ai i shpreh ngushëllime familjes ndërsa kujton se pasi luftoi 15 vite me krimin, ai u largua pa të drejtë nga policia. Kreu i PD-së kërkon zbardhjen e ngjarjes dhe vënien e autorëve para ligjit.
“Vrasja e oficerit Artan Cuku poshtë banesës së tij është një lajm tronditës. Artan Cuku ishte një oficer karriere me rezultate të larta në luftë ndaj krimit në gjithë detyrat e tij të larta. Një prind i shkëlqyer, një koleg i veçantë. Me pikëllim të madh ndaj këtë moment dhe dua t’i shpreh familjes së tij ngushëllimet më të sinqerta. Po gjithashtu, dua të shpreh dhe revoltën për largimin e tij të padrejtë nga policia, duke e hedhur kështu në rrugë, pa motiv ligjor, një oficer që ka luftuar krimin për 15 vite. I bëj thirrje prokurorisë të zbardhë sa më shpejt ngjarjen e të vendosë autorët para ligjit”, deklaron Basha.

Ish-drejtori i policisë së Vlorës u ekzekutua mbrëmjen e djeshme pranë digës së Liqenit nga persona që nuk janë identifikuar ende.

loading...
Shkruar Nga
More from Revista User

Fobitë sipas shenjës së horoskopit

Thonë që fati, dashuria, lumturia janë të shkruara në yje. Në yje...
Read More