Vritet xhihadisti i shumëkërkuar Rachid Kassim

isis-rachid-kassim-france-terror-656214

Pentagoni dhe mediat sociale të përdorura nga ISIS-i kanë konfirmuar vdekjen e njërit prej xhihadistëve më të kërkuar. Rachid Kassim humbi jetën gjatë një sulmi ajror amerikan në afërsi të qytetit të Mosulit në Irak.
Kassim, i lindur në Roanne në vitin 1987 ishte një rekrutues i profilit të lartë për grupin ekstremist, duke inkurajuar sulmet dhe duke u lidhur me adoleshentët e radikalizuar përmes llogarive në ‘Telegram’ dhe ‘Facebook’.

Autoritetet franceze dyshojnë se ai ka koordinuar vrasjen me thikë të një oficeri francez dhe gruas së tij në shtëpinë e tyre dhe prerjen e kokës së një prifti, shkruan SYRI.net.

Në disa regjistrime audio të cilat duket se janë bërë në dhjetor, të planifikuara të dalin pas vdekjes së tij ai ka një mesazh tronditës, sidomos për liderët e ISIS-it.

“The Independent” raporton se në amanetin e tij të fundit, Kassim thotë se i është kërkuar të kryejë një sulm vetëvrasës, por nuk ka pranuar.

Ai ka dënuar liderët ISIS-it për dërgimin e burrave te tyre në vijën e frontit.

“Pse nuk dilni vetë në misionet luftarake, ose vetëvrasëse? Pse nuk kujdeseni për gratë që i keni lënë vejusha?”, pyet ai në fjalët e tij të fundit.

Shkruar Nga
More from Revista User

Helmohen nga uji i çezmës, rreth 20 pacientë në ditë paraqiten me shqetësime në spitalin e Laçit

Mjekët në urgjencën e Kurbinit ngrenë alarmin, pasi prej së premtes së...
Read More