Weber: Ballkani s’ka qenë kurrë prioritet i BE-së

bashkimi-evropian-be

Bodo Weber, bashkëpunëtor i lartë i Këshillit të Politikave për Demokratizim në Ballkanin Perëndimor, ka thënë se rajoni kurrë nuk ka qenë prioritet i BEsë.

Weber në një intervistë për portalin European Western Ballkans, ka thënë se Bashkimi Evropian nuk është i interesuar për zgjerim, sidomos kur vie fjala te vendet e Ballkanit Perëndimor.

Sipas tij ndikimi rus në Ballkan është i qartë, dhe si argument e përdor përkrahjen e Rusisë ndaj kryetarit të republikës autonome serbe në Bosnje, Milorad Dodik.

Ai thotë se ndikimi i Rusisë është më i hapur në Serbi sidomos kur vjen fjala për ekonominë, pasi sipas tij tregtia Serbi-Rusi është shumë më e avancuar se Serbi-BE.

Weber është shprehur i bindur se politikat e Amerikës ndaj Ballkanit nuk do të ndryshojnë.

“Unë mendoj se politika amerikane për mbështetjen në Ballkan do të vazhdojë edhe në të ardhmen”, ka përfunduar Bodo Weber.

Shkruar Nga
More from Revista User

Lamtumirë Sokol Baraj! Sot homazhet në nder të ish-drejtorit të Policisë së Shtetit

Mbahen sot homazhet në nder të ish-drejtorit të Policisë së Shtetit, Sokol...
Read More