Zbardhet pasuria e kandidatëve për kryeprokuror, miliona, prona…

Janë zbardhur pasuritë që zotërojnë kandidatët për kryeprokuror të Përgjithshëm të përkohshëm.

Shqiptarja.com shkruan se kandidati Arqile Koça rezulton pronar i 5 apartamenteve, i një apartamenti të shitur në Dajt, si dhe ka hedhur themelet e një shtëpie në Voskopojë, ku vetëm themelet i kushtojnë 10 mijë euro ndërkohë Ferdinand Elezi, vetëm në vitet e fundit ka ndërruar 7 makina me vlera të larta. Elezi posedon katër pasuri të paluajtshme, shtëpi, zyrë dhe apartament në Durrës, si dhe një apartament banimi në Tiranë.

Pasuria e deklaruar

Arqile Koça rezulton që më 2001 ka marrë një kredi me vlerë 50 milionë lekë të vjetra, e rimbursuar nga shteti. Por, ai ka në pronësi 5 apartamente, ka shitur një apartament në Dajt me sipërfaqe 120 m/2, ndërsa ka hedhur themelet e një shtëpie në Voskopojë, ku vetëm themelet kushtojnë 10 mijë euro.

Ferdinand Elezi është i pasionuar pas makinave, ku ka ndërruar vitet e fundit 7 makina me vlera të larta. Sa i takon pasurive të paluajtshme, posedon 4 pasuri të tilla. Shtëpi, zyrë dhe apartament në Durrës, si dhe apartament banimi mnë Tiranë.

Besnik Muçi deklaron rreth 7 pasuri të paluajtshme, vitin e fundit (2016) ka blerë apartament me vlerë 75 mijë euro në Tiranë, që e justifikon me të ardhura nga bashkëshortja, hua dhe kredi. Ka shtëpi banimi, deklaron tokë truall, si dhe të ardhura nga një vresht në Pogradec.

Artur Selami ka pasuri modeste, posedon depozitë bankare me vlerë 25 mijë dollarë. Më 1999 ka marrë kredi 10 mijë euro për blerje banese, nuk posedon pasuri të paluajtshme.

Arta Marku rezulton gjithmonë me të ardhurat e ligjshme, ka pasuri të ligjshme dhe normale. Dy apartamente në Shkodër, që i justifikon me pagat dhe kredi.

Ermira Tafani posedon llogari rrjedhëse 9 mijë dollarë, si dhe të ardhurat e tjera në emrin e bashkëshortit, që merret me biznes.

Granit Shahu ka pasuri modeste referuar deklaratave të pasurive. Ka makinë Range Rover dhe 17 milionë lekë të vjetra cash. Ka marrë kredi më 2015 në vlerën 25 mijë dollarë për blerje banese.

Shkruar Nga
More from Enton Palushi

Libër apo Facebook? 10 autorë shqiptarë, nga erosi tek mitet urbane

Ja librat që sugjerojnë botuesit për lexuesit në stinën e verës; ndoshta...
Read More