Zgjedhjet në Gjermani/ Exit-Pollet: Merkel fiton mandatin e katërt

Angela Merkel po shkon drejt një mandati të katërt si kancelare e Gjermanisë, pasi partia e saj e qendrës së djathtë “CDU” dhe partia simotër “CSU” fitojnë me 32% të votave, sipas sondazheve fillestare.

Ky sondazh vë kristian-demokratët para partnerëve të koalicionit të tyre dhe rivalit kryesor, Partisë Socialdemokrate SPD, të kryesuar nga Martin Schulz, i cili përfundoi një fushatë të mjerueshme me vetëm 20% të votave, shkruan “The Telegraph”.

Sipas exit polleve deri tani në Bundestagun gjerman futen 6 parti politike. Ndërkohë që partia e ekstremit të djathtë AFD ka marrë 13.5 përqind të votave.

Sipas informacioneve të Infratest-Dimap, rezultatet e para të partive politike kryesore gjermane në votimet për zgjedhjet parlamentare 2017, tregojnë se CDU nuk e arriti rezultatin që priste. 26,6% e votave cilësohet rezultati i parë i partisë konservatore, bashkë me partinë CSU, 6%, unioni CDU/CSU arrin 32,6%%.

Në sondazhet parazgjedhore unioni kryesonte me 37%, ndërkohë që krahasuar me rezultatin e zgjedhjeve të kaluara parlamentare, ky rezultat është një goditje për CDU-në e kancelares Merkel.

Ndërkohë që duket se partia socialdemokrate arrin rezultatet që i parathonin edhe sondazhet, rezultate jo optimiste për këtë parti.

Partia Socialdemokrate kap vetëm 20,5%, pra një rënie 5% krahasuar me zgjedhjet e vitit 2013. Ndërkohë që me 13% të votave, partia e tretë në Bundestag do të jetë partia djathtiste, Alternativa për Gjermaninë, e konsideruar si parti e protestës që shfrytëzon frikën e gjermanëve nga refugjatët dhe globalizmi.

Nënkryetarja e kësaj partie, Manuela Schwesig u shpreh për ZDF, se SPD-ja do të kalojë në opozitë.

Parti që mund të quhet fituese e këtyre zgjedhjeve është partia liberale, FDP, një parti që nuk ishte prezente në Bundestagun e kaluar, sepse nuk e kapi kuotën e 5%, pro që hyn sërish me një rezultat optimist, 10,5%.

E Majta kap vetëm 8,9% të votave ndërkohë që të Gjelbrit arrijnë një përmirësim të lehtë me 9,4%, krahasuar me rezultatin e zgjedhjeve të kaluara, 8,5%.

Interesante mbetet çështja e koalicioneve në Gjermani. Në një kohë që në bazën socialdemokrate është rritur mospëlqimi për një koalicion me bazë të gjerë, një mundësi tjetër e diskutuar është koalicioni i Unionit me Të Gjelbrit dhe Liberalët, njofton “DW”.

 

Shkruar Nga
More from Redaksia

Cilat femra kanë shanset më të mëdha për të lindur binjakë…

    Kur një femër shtatzënë pret jo një, por dy fëmijë,...
Read More