Denoncon Berisha: Rama grusht shteti, brenda shtetit, konfirmojnë edhe institucionet ndërkombëtare



Ish-kryeministri i Shqipërisë, Sali Berisha, nëpërmjet një postimi në ‘Facebook’, ka denoncuar bllokimin e Gjykatës Kushtetuese dhe atë Lartë, në proçesin e Vettingut.

Berisha shkruan se asgjesimi i Gjykatës Kushtetuese, përbën një grusht shteti, pasi të gjitha fuqit e saj tashmë i gëzon Edi Rama.

Ish-kryeministri Berisha e vuri theksin tek raportimi i mediave të huaja të cilat shprehen të shqetësuara për këtë proces.

Gjithashtu Berisha theksoi se edhe Presidenti i Asamblesë Parlamentare të OSBE-së George Tsereteli ka shprehur shqetësim në lidhje me situatën e drejtësisë në vend.

Statusi i plotë

“Denoncohet nderkombtarisht grushti i shtetit brenda shtetit ne Shqiperi!

Presidenti i Asambles Parlamentare te OSBE, Tsereteli denoncon bllokimin e Gjykatës Kushtetuese dhe të Lartë!

Te dashur miq, asgjesimi i Gjykates Kushtetuese, me qellimin makaber te shnderrimit te drejtesise ne Shqiperi ne dege te ekzektutivit, perben nje grusht te vertet shteti brenda shtetit, pasi defakto fuqite e saj i gezon te gjitha ekzekutivi shqiptar dhe konkretisht Edvin Kristaq Rama. Kjo sepse ne munges te kesaj gjykate, ai dhe mazhoranca e tij e droges mund te miratojne çdo ligj, urdher, udhezim, marreveshje antikushtetuese dhe askush nuk ia rrezon me.

Sot qeveria dhe pushteti i Edvinit mund te dhunojne çdo te drejte te shqiptareve dhe askush nuk i mbrone dot me te drejtat e tyre. Sot te gjitha gjyqet ne Shqiperi fitohen nga qeveria e Norieges dhe jo nga ata qe kane te drejte qytetaret apo bizneset. Me gjithe kete, grushti i shtetit brenda shtetit, ky krim i shemtuar kushtetues qe u krye me qellim shnderrimin e drejtesise shqiptare ne dege te ekzekutivit, ne Shqiperi mbahet i ndryre nga autoret e tij ne banesen e heshtjes apo erresires.

Por kjo nuk ndodh dot ne komunitetin nderkombetar. Gjatë një takimi të Asamblesë Politike të PPE-së, dje në Varshavë, Presidenti i Asambles Parlamentare te OSBE Tsereteli deklaroi:

“Sapo jam kthyer nga një vizitë në Shqipëri, ku u takuam me të gjithë drejtuesit e vendit dhe me kryetarin e opozitës. Ne pamë një situatë të ndërlikuar me reformën në drejtësi, zbatimin e ligjit dhe luftën kundër drogës dhe krimit të organizuar. Ne besojmë se përvëç kësaj, reforma zgjedhore është vendimtare. Duhet theksuar se Gjykata Kushtetuese nuk funksionon, e njejta situatë me Gjykatën e Lartë. Me të gjitha këto është shumë e vështirë të mbahet demokracia. Ndaj vemendja e BE-së, e institucioneve të BE-së dhe e OSBE-së janë shumë të rëndësishme.”

Ketu me poshte keni raportimin e mediave per kete. sb

“OSBE në alarm për gjyqësorin në Shqipëri, Tsereteli denoncon bllokimin e Kushtetueses

Presidenti i Asamblesë Parlamentare të OSBE-së George Tsereteli ka shprehur shqetësim në lidhje me situatën e drejtësisë në vend.

Në mënyrë të veçantë ai ka denoncuar problemet që i shkaktohen demokracisë në vend nga shpërbërja e Gjykatës Kushtetuese dhe bllokimi i Gjykatës së Lartë.

Gjatë një takimi të Asamblesë Politike të PPE-së, sot në Varshavë, Tsereteli pohoi:

‘Sapo jam kthyer nga një vizitë në Shqipëri, ku u takuam me të gjithë drejtuesit e vendit dhe me kryetarin e opozitës. Ne pamë një situatë të ndërlikuar me reformën në drejtësi, zbatimin e ligjit dhe luftën kundër drogës dhe krimit të organizuar.

Ne besojmë se përveç kësaj, reforma zgjedhore është vendimtare. Duhet theksuar se Gjykata Kushtetuese nuk funksionon, e njëjta situatë me Gjykatën e Lartë. Me të gjitha këto është shumë e vështirë të mbahet demokracia. Ndaj vëmendja e BE-së, e institucioneve të BE-së dhe e OSBE-së janë shumë të rëndësishme.”

George Tsereteli është politikani i parë, i cili ngre problemin e bllokimit të sistemit gjyqësor në Shqipëri si pasojë e mos krijimit në kohë të institucioneve të reja të parashikuara nga Reforma në Drejtësi.

Gjithashtu, ai ka risjellë në vëmendjen publike rëndësinë e kryerjes së reformës zgjedhore, për të shmangur krizat politike që burojnë kryesisht nga mungesa e zgjedhjeve të ndershme dhe të lira.

Deri tani përpjekjet për një reformë zgjedhore kanë dështuar.”

loading...
Shkruar Nga
More from Redaksia

Reklamat seksiste largohen nga stadiumi… por klubi erotik mbetet

  Klubi St. Pauli në Gjermani është sërish në qendër të vëmendjes....
Read More