Hysaj bëhet pjesë e 100 lojtarëve më të shtrenjtë të planetit

Performanca e Elseid Hysajt tek Napoli ka bërë që jo vetëm në Itali, por edhe jashtë saj të thuren elozhe në drejtim të lojtarit.

Skuadra jugore me Hysajn në mbrojtje është më e sigurt dhe në fakt performanca e shkodranit nuk ka kaluar pa u vënë re, raporton SuperSport.

Shpesh kohët e fundit në drejtim të lojtarit janë shfaqur në skenë disa klube me peshë si Atletico Madridit, Chelsea, Man.United apo dhe Bayerni i Mynihut, të cilët kërkojnë të transferojnë Hysajn në radhët e tyre.

Sidoqoftë përtej merkatos, observatori futbollistik me seli në Zvicër ka bërë publike listën e 100 futbollistëve më të shtrenjtë, ku pjesë e saj është mbrojtësi kuqezi. Hysaj mban vendin e 89 dhe vlera e kartonit të tij përllogaritet në 60.1 milionë euro.

Shkodrani ka lënë pas vetes shumë futbollistë të tjerë cilësorë si Radja Naingolan, Nemanja Matiç, Mesut Ozil, Florentin Toliso dhe Edin Dzeko. Gjithashtu si pjesë e ‘top 100’ të futbollistëve më të shtrenjtë qëndrojnë edhe Granit Xhaka në vendin e 74 si dhe Shkodran Mustafi në vendin e 94.

Vendin e parë e mban Harry Kane i Totenhamit, vlera e të cilit është 200 milionë euro. Pas tij vijnë Neymar, Mbappe dhe Messi, ndërkohë Cristiano Ronaldo në vendin e 24-t. Vlera e portugezit kap shifrën e 103 milionë eurove.

Shkruar Nga
More from Redaksia

Shkreli i përgjigjet Nanos: Ku e gjete Vojsavën sllave?

Nga Artan Shkreli* Përpiqen të argumentojnë, e s’ia gjej dot arsyen e...
Read More