OBITUARY/ Koncerti i fundit i Charles Aznavour

BBC

Charles Aznavour ishte një zemërthyes i pazakontë. Ishte vetëm 1.6 metra i gjatë dhe ishte thuajse 50 vjeç kur hitet e tij u bënë të famshme në Britani.

Në një karrierë prej thuajse 80 vitesh, ai shkroi më shumë se 1200 këngë, përfshirë këtu edhe klasiken prekëse “Ajo”. Në vendin e tij vlerësohej shumë dhe dikur e quanin “Frank Sinatra i Francës”.

Varenagh Aznavourian lindi në Paris në maj të vitit 1924, djali i një familje emigrantësh armenë, që ishin arratisur nga persekutimi turk dhe që kishin ndaluar në Francë në pritje të një vize amerikane.

I detyruar nga mungesa e parave, ai e la shkollën kur ishte 9 vjeç dhe ishte i vendosur që të bëhej një argëtues. Në moshën 11 vjeç luante role fëmijësh në teatrin ‘Marigny’.

Në vitin 1941 u bashkua me një tjetër aktor, Pierre Roche, për të shkruar tekste këngësh, dhe në një bashkëpunim prej 9 vitesh ata shkruan tekste për Maurice Chevalier, Gilbert Becaud dhe Edith Piaf.

Shkëputja e tij e madhe erdhi kur Piaf, që e admironte zërin e tij, e ftoi që ta shoqëronte atë në turne, fillimisht në Francë dhe më pas në Shtetet e Bashkuara.

Me inkurajimin e saj, Aznavour nisi një karrierë solo në vitin 1950, duke kënduar këngët e tij.

Performancat e tij në skenë përshkruheshin si epitomia e romancës franceze, por një kritik pati shkruar: “Të dalësh para publikut me një zë dhe fizik të tillë, është një marrëzi e pastër”.

Por këngët e dashurisë së Aznavourit, me zërin e tij të fytit, ngjisnin në publik dhe në vitin 1955, suksesi erdhi me këngën ‘Sur Ma Vie’.

Në vitin 1965, ai nisi të parin one-man-show në sallën muzikore Olympia në Paris, duke kënduar 30 këngët e tij.

Aftësia e tij gjuhësore, ai mund të këndonte në më shumë se gjashtë gjuhë- e bëri atë popullor në mbarë botën.

Suksesi i tij, përfshi shitjen në mbarë botën të më shumë se 180 milionë albumeve, sollën pasuri dhe ai jetoi në Zvicër për shumë vite.

Në vitin 1977, një gjykatë në Francë e dënoi me 1.3 milion euro dhe një vit burg të pezulluar për evazion fiskal dhe krim ekonomik.

Vitin tjetër u urdhërua që të paguante 1.3 milion euro në borxhe tatimore.

Aznavour e kombinoi këndimin me karrierën në aktrim, dhe u shfaq në më shumë se 60 filma. Në vitin 1982 ai luajti veten e tij si një kompozitor me probleme në filmin ‘Edith dhe Marcel’, bazuar në romancën e Piaf me një boksier.

Në vitin 1988, në përgjigje të një tërmeti në Armeni, ai formoi organizatën e tij bamirëse për të ndihmuar viktimat, duke kompozuar një këngë që përfshinte disa prej këngëtarëve më të njohur francezë dhe që qëndroi në majat e klasifikimeve për më shumë se 4 muaj.

“Ajo është e rëndësishme për Armeninë, është e rëndësishme për ne”, pati thënë dikur.

Ai ishte thellësisht i interesuar për politikën. Gjatë zgjedhjeve presidenciale të vitit 1992, ai inkurajoi njerëzit që të këndojnë Marsejezën në publik për të protestuar kundër kandidatit të krahut të djathtë, Jean-Marie le Pen, që kishte arritur deri në balotazh.

Ai bëri fushatë të fuqishme për të zgjeruar e ligjit të së drejtës së autorit për të mbrojtur punën e artistëve, shkrimtarëve dhe kompozitorëve.

Aznavour nuk kishte një zë të madh ose pamje aktori, por ai kishte një talent të jashtëzakonshëm në shkrimin e këngëve dhe një prezencë mahnitëse në skenë.

Së bashku me Piaf dhe Chevalier ai ishte një nga yjet më të mëdhenj të muzikës në Francë.

Shkruar Nga
More from Enton Palushi

Ushqimi në ditët e festave: Tryeza e Vitit të Ri – si të sillemi

Duke pasur parasysh këto këshilla, ju uroj t’i shijoni sa më shumë...
Read More