‘Tërmeti’ në prokurori: Shkarkohet Stojani, përplasja fizike mes prokurores dhe Donika Prelës…

Organi i akuzës duket se është zhytur plotësisht në kaos. Pasi vendosi nën hetim 10 prokurorë të Krimeve të Rënda, kryeprokurorja Arta Marku ka vendosur të shkarkojë dhe njeriun e saj të besuar, Sokol Stojani.

Marku ka urdhëruar lirimin nga detyra të Stojanit, i cili mbante postin e Drejtorit të Ndihmës për Subjektet e posaçme. Urdhri i kryeprokurores mban datën 19 shtator, pra dy ditë më parë.

Pas ndodhive të fundit në Prokurorinë e Krimeve të Rënda për çështjen ‘Shullazi’, ku kryeprokurorja Arta Marku kërkoi hetimin disiplinor për 10 prokurorë që nuk pranuan të ishin pjesë e shortit, vjen reagimi nga PS.

Deputetja e PS Ermonela Felaj, njëherësh kryetare e Nënkomisionit për vettingun në polici, në një deklaratë për mediat e gjykoi të drejtë masën e vendosur nga Marku për këta prokurorë, ndërkohë që 3 prej tyre u transferuan. Po ashtu ajo tha se Prokuroria është një organ i pavarur.

“Mbështesim punën e prokuroreve. Ka më shumë gjera që si ndajmë me opozitën sesa i ndamë. Prokuroria është organ i pavarur dhe çdo ndërhyrje jona do të ishte ndërhyrje në Kushtetutë. Është marrë një masë dhe është marrë një përgjigje për atë masë. Më duket masa e natyrshme”, tha ajo.

Kryeprokurorja Arta Marku ka urdhëruar një ditë më parë nisjen e një hetimi disiplinor për 10 prokurorët që nuk pranuan të merrnin pjesë në shortin ndaj Emiljano Shullazit.

Nuk ka mjaftuar vetëm kjo, por Arta Marku transferoi tre prokurorët e Krimeve të Rënda, Besim Hajdarmatajn, Olsian Çela dhe Sonila Muhametaj.

Kjo e fundit ka kërkuar një takim me Kryeprokuroren Donika Prela. Burime thanë për Fax News se kryeprokurorja e Krimeve të Rënda nuk ka pranuar.

Kjo ka bërë që Sonila Muhametaj të hyjë me forcë duke u konfrontuar fizikisht me të.

Vizion Plus raporton se ka pasur përplasje me grushta e shpulla.

Pas kësaj, Prela ka kërkuar ndërhyrjen e policisë, gjë që ka bërë që edhe drejtuesi Ardi Veliu të shkojë në vendin e ngjarjes. Mësohet se pas këtij konfrontimi, dy makina të grupit të gatshëm kanë qëndruar pranë Prokurorisë së Krimeve të Rënda.

Shkruar Nga
More from Redaksia

Trafiqet e paligjshme, policia e shtetit dhe Guardia di Finanza kontroll në të gjithë bregdetin shqiptar

Policia e Shtetit njofton se kontrolle  të përbashkëta vijojnë nga Policia Kufitare...
Read More