Tronditëse, Kate Spade për të bijën: “Bea, të kam dashur gjithmonë, nuk është faji yt, pyet babin”



Stilistja e njohur, Kate Spade, u gjet e vdekur një ditë më parë në apartamentin e saj luksoz në Nju Jork.

Lajmi u kthye në kryeartikullin e të gjitha mediave ndërkombëtare.

55-vjeçarja u gjet nga pastruesja. Ajo ishte varur me një shami.

Policia raportoi se ajo kishte lënë pas një shënim pranë vajzës së saj, Frances Beatrix, e shtrirë aty ngjitur.

Aty shkruhej: “Bea, të kam dashur gjithmonë. Ky nuk është faji yt. Pyete babin!”

Mediat raportojnë se ajo ishte në proces divorci me të shoqin, Andy Spade, me të cilin kishte 24 vjet e martuar.

Motra e stilistes, e famshme sidomos për çantat dhe serialin “Seksi dhe qyteti”, tha se ajo vuante prej kohësh nga depresioni maniak.

“Ajo nuk mori kujdesin e duhur,” tha ajo, duke shtuar se duket se e motra e kishte planifikuar vetëvrasjen shumë kohë më parë.

Revista e njohur “Psychology Today” shkruan se rasti i Kate Spade është një tregues se depresioni nuk kursen askënd, nuk ka rëndësi nëse je i pasur apo i varfër.

“Pasuria nuk e blen lumturinë,” shkruan revista.

Spade kishte një pasuri prej 200 milionë dollarësh.

Ajo ishte e fiksuar pas rastit të vetëvrasjes së aktorit Robin Williams. Thuhet se pas vetëvrasjes së Williams, numri i vetëvrasjeve është shtuar ndjeshëm nën shembullin e tij.

Revista e psikologjisë thekson se ky rast duhet të shërbejë si shembull se jeta është e vështirë për këdo dhe depresionet duhen trajtuar me kujdes.

loading...
Shkruar Nga
More from Redaksia

89 mijë policë do të “blindojnë” Francën gjatë protestës së të shtunës

Kryeministri francez Edouard Philippe tha se 89,000 anëtarë të forcave të sigurisë...
Read More