Zbulohet largimi i parë i një ministri nga qeveria, kryeministri humb një figurë kyçe

Macron po humb një figurë kryesore i cili shtynte qeverinë t’i jepte përparësi çështjeve të lidhura me klimën.

Ministri francez i Mjedisit, Nicolas Hulot, ka njoftuar se po largohet nga qeveria e presidentit Emmanuel Macron, transmeton Anadolu Agency (AA).

“Unë po marr vendimin për t’u larguar nga qeveria”, tha ish-njeriu me popullaritet televiziv në radio France Inter, duke shtuar se ndihej “i vetëm” brenda kabinetit në çështjet mjedisore.

Macron po humb një figurë kryesore i cili shtynte qeverinë t’i jepte përparësi çështjeve të lidhura me klimën.

Emërimi i ministrit Hulot erdhi si një suprizë kur Macron erdhi në detyrë vitin e kaluar pasi të dy ish-presidentët, Nicolas Sarkozy dhe Francois Hollande, më parë nuk arritën të bindnin yllin televiziv për t’u bashkuar me qeverinë e tyre përkatëse.

Holut tha se për vendimin për daljen e tij nga qeveria nuk e kishte njoftuar presidentin Macron apo kryeministrin Edouard Philippe, duke shprehur frikë se do ta bindnin atë të qëndronte.

Zëdhënësi i qeverisë, Benjamin Griveaux, tha se ai “ndjen keqardhje” për daljen e ministrit Hulot.

“Nuk e kuptoj pse ai po largohet kur kemi patur shumë suksese në vitin e parë, që i takojnë atributit të tij”, tha Griveaux në një televizion francez.

“Ai nuk i fitoi të gjitha betejat e tij, por kjo është mënyra se si shkon për ministrat”, shtoi ai./AA/

thumbs_b_c_ef5019dfdd23a211127129af0cd54eaa

Shkruar Nga
More from Redaksia

Si të mposhtim lodhjen pranverore

  E kush nuk përfshihet nga plogështia e pranverës, ditët e para...
Read More